رینکنگ ٹینس عقیل خان نے مینز سنگلز ٹائٹل اپنے نام کرلیا یاسر کو شکست

ہانیہ نوید نے گزشتہ روزنیہا خان کو شکست دے کر چیمپئن شپ کا لیڈیز سنگلز ٹائٹل پایا تھا، فوٹو: فائل

---

ٹاپ سیڈ اور قومی چیمپئن عقیل خان نے اپنے چھوٹے بھائی سیکنڈ سیڈ یاسر خان کو شکست دے کر 10 ویں اوپن سیریز رینکنگ ٹینس چیمپئن شپ کا مینز سنگلز ٹائٹل اپنے نام کرلیا،سندھ ٹینس ایسوسی ایشن کے تحت کراچی جیمخانہ میں فائنل میں عقیل نے آسان مقابلے کے بعد 6-2اور6-4سے کامیابی حاصل کی۔

انڈر17 سنگلز کے فیصلہ کن معرکے میں ملک حمزہ نے ٹاپ سیڈ رضا سوانی کو 7-6اور6-2سے قابو کرلیا، حسن فاروق نے انڈر15سنگلز کے فائنل میں رضاسوانی کو 6-2 اور 6-4 سے مات دے کر انھیں ڈبل کرائون کے حصول سے روک دیا،انڈر13سنگلز کا ایونٹ بلال عمران نے جیتا، انھوں نے فائنل میں نعمان آفتاب کو6-3 اور 6-2 سے شکست دی،محمد دادا نے ریان جاوید کو8-1سے ہراکر انڈر11 سنگلز جیتا، ہانیہ نوید نے گزشتہ روزنیہا خان کو شکست دے کر چیمپئن شپ کا لیڈیز سنگلز ٹائٹل پایا تھا،اختتامی تقریب کے مہمان خصوصی کراچی جیمخانہ کے صدر ہومی کماٹا نے کامیاب کھلاڑیوں میں انعامات تقسیم کیے۔