آئی ایس پی آر کے ترجمان کے مطابق ایساف کے کمانڈرجنرل جان ایلن کا 30 اگست کو دورہ پاکستان متوقع ہے۔
ترجمان کے مطابق دورے کے دوران ایساف کمانڈرجنرل جان ایلن چیف آف آرمی اسٹاف جنرل اشفاق پرویزکیانی سے ملاقات بھی کریں گے جس میں پاک افغان سرحد پررابطوں اور اس سلسلے میں اٹھائے گئے اقدامات کا جائزہ بھی لیا جائے گا۔
جنرل ایلن حال ہی میں جنرل اشفاق پرویزکیانی سے پاکستان افغانستان اورنیٹوکے سرحدی امورسے متعلق تعاون کے سسلسلے میں ملاقات کرچکے ہیں۔
واضح رہے کہ پاکستان اورامریکا کے درمیان اسی ماہ کے اوائل میں سلالہ چیک پوسٹ پرحملے کے بعد بند کی گئی نیٹوسپلائی کی بحالی کا دوبارہ معاہدہ بھی طے پایاہے۔