پاکستان کانکتہ نظر سمجھنے پر صدر ٹرمپ کا مشکور ہوں وزیراعظم

مسئلہ کشمیر کے حل کے لئے صدر ٹرمپ کی ثالثی کی پیشکش کے جواب میں بھارتی ردعمل پر حیرت ہوئی، وزیراعظم عمران خان

ویب ڈیسک July 23, 2019

کشمیری کئی دہائیوں سے مظالم ک اسامنا کررہے ہیں، اب مسئلہ کشمیر کو حل ہونا چاہیے، وزیراعظم. فوٹو:فائل

وزیراعظم عمران خان کا کہنا ہے کہ پرجوش استقبال، مہمان نوازی اور پاکستان کانکتہ نظر سمجھنے پر امریکی صدر ڈونلڈ ٹرمپ کامشکور ہوں۔

سماجی رابطے کی ویب سائٹ ٹویٹر پر اپنی ٹویٹ میں وزیراعظم عمران خان نے پرجوش استقبال اور مہمان نوازی کا شکریہ ادا کیا ہے، اور کہا ہے کہ امریکی صدر ٹرمپ نے اپنا وقت نکال کر وائٹ ہاؤس کا دورہ کرایا، اور پاکستان کانکتہ نظر سمجھا جس پر ان کا مشکور ہوں۔

2. I want to assure President Trump Pakistan will do everything within its power to facilitate the Afghan peace process. The world owes it to the long-suffering Afghan people to bring about peace after 4 decades of conflict.
— Imran Khan (@ImranKhanPTI) July 23, 2019

وزیراعظم عمران خان نے کہا ہے کہ صدر ٹرمپ کو یقین دلاتا ہوں کہ افغان امن عمل میں اپنا بھرپور کردار ادا کریں گے، افغان عوام چار دہائیوں سے محرومیوں کا شکار ہیں، اب پوری دنیا پر فرض ہے کہ افغانستان میں امن کی بحالی اور افغان عوام کی محرومیوں کو ختم کرنے کے لئے بھرپور کوشش کرے۔

3. Surprised by reaction of India to Pres Trump's offer of mediation to bring Pak & India to dialogue table for resolving Kashmir conflict which has held subcontinent hostage for 70 yrs. Generations of Kashmiris have suffered & are suffering daily and need conflict resolution.
— Imran Khan (@ImranKhanPTI) July 23, 2019

عمران خان کا کہنا تھا کہ مجھے مسئلہ کشمیر کے حل کے لئے صدر ٹرمپ کی ثالثی کی پیشکش کے جواب میں بھارتی ردعمل پر حیرت ہوئی، اس مسئلے نے گزشتہ 70 سال سے برصغیر میں امن و استحکام کو یرغمال بنا رکھا ہے۔ کشمیری گزشتہ کئی دہائیوں سے روزانہ کی بنیاد پرمظالم کا سامنا کررہے ہیں اور کشمیریوں کی کئی نسلیں متاثرہوچکی ہیں، اب یہ مسئلہ حل کرنے کی اشد ضرورت ہے۔

1. I want to thank President Trump for his warm & gracious hospitality, his understanding of Pakistan's point of view & his wonderful way of putting our entire delegation at ease. Appreciate the President taking out time to show us the historic White House private quarters.
— Imran Khan (@ImranKhanPTI) July 23, 2019