حریت کانفرنس کا ٹرمپ کی کشمیر پر ثالثی کی پیشکش کا خیر مقدم

امریکا کو آزادی کشمیر کے لیے کردار ادا کرنا چاہے،علی گیلانی،کشمیری دیرینہ تنازع کا جلد حل چاہتے ہیں،میر واعظ ودیگر۔ فوٹو: فائل

---

مقبوضہ کشمیر میں کل جماعتی حریت کانفرنس کے چیئرمین سیدعلی گیلانی ، میر واعظ عمرفاروق اور دیگر حریت رہنماؤں نے دیرینہ تنازع کشمیر کے حل کیلیے بھارت اور پاکستان کے درمیان ثالثی کی امریکی صدر ڈونلڈ ٹرمپ کی پیشکش کا خیرمقدم کیا ہے۔

سیدعلی گیلانی نے کہاکہ امریکا کو کشمیر کی آزادی کیلیے اپنا کردار ادا کرنا چاہیے، میرواعظ عمرفاروق نے کہاکہ کشمیری عوام تنازعے کے سب سے زیادہ متاثرہ فریق ہونے کی حیثیت سے دیرینہ تنازعکشمیر کا جلد حل چاہتے ہیں جب کہ دیگر حریت رہنماؤں شبیرڈار، یوسف نقاش، اقبال میر ، انجینئر ہلال احمدوارنے کہا ہے کہ حل طلب مسئلہ کشمیر خطے میں ایک نیوکلیر فلیش پوائنٹ ہے جو کسی بھی وقت پورے خطے کو اپنی لپیٹ میں لے سکتا ہے ۔

واشنگٹن میں قائم ورلڈ ایوئر نیس فورم کے سیکریٹری جنرل غلام نبی فائی نے کہاکہ تنازعہ کشمیر پر صدر ڈونلڈ ٹرمپ کے اصولی موقف اختیار کرنے پرامریکا میں مقیم کشمیری اورمقبوضہ کشمیرکے عوام خوش ہیں۔