پاکستان میں عیدالاضحیٰ 12 اگست کو ہونے کا امکان

یکم ذی الحجہ ہفتہ 3 اگست جبکہ عیدالاضحٰی پیر 12 اگست کو ہونے کا امکان ہے، فوٹو: فائل

---

ذی الحجہ 1440 ہجری کا چاند دیکھنے کے لئے مرکزی رویت ہلال کمیٹی کا اجلاس جمعہ 2 اگست کو طلب کرلیا گیا جبکہ عیدالاضحی 12 اگست بروزپیر کو ہونے کا امکان ہے۔

ذی الحجہ 1440 ہجری کا چاند دیکھنے کے لئے مرکزی رویت ہلال کمیٹی کا اجلاس چیئرمین مفتی منیب الرحمان کی زیرصدارت ہوگا جبکہ صوبائی کمیٹیوں کے اجلاس لاہور،پشاور ،کوئٹہ اورکراچی میں ہوں گے۔یکم ذی الحجہ ہفتہ 3 اگست جبکہ عیدالاضحٰی پیر 12 اگست کو ہونے کا امکان ہے۔

وزارت سائنس وٹیکنالوجی کی آفیشل ویب سائٹ مون سائٹنگ پاکستان پربھی عیدالاضحی 12 اگست کوہونے کی پیش گوئی کی گئی ہے تاہم چاندکی رویت اورعیدالاضحٰی کا حتمی اعلان چیئرمین رویت ہلال کمیٹی مفتی منیب الرحمان کریں گے۔