اسلام آبادسے گرفتار ہونیوالے ملزم نے سابق وفاقی وزیرشہباز بھٹی کے قتل کا اعتراف کرلیا

ملزم تنویر کو پیر کو قانون نافذ کرنے والے اداروں نے اسلام آباد سے گرفتار کیا گیا تھا۔ فوٹو: فائل

---

اسلام آباد سے پیر کو گرفتار ہونے والے ملزم تنویر نے سابق وفاقی وزیرشہباز بھٹی کو قتل کرنے کا اعتراف کرلیا۔

ذرائع کے مطابق ملزم تنویر نے پولیس کو دیئے گئےبیان میں اعتراف کیا ہے کہ اس نے عماد عادل کے ساتھ مل کر شہباز بھٹی کو قتل کیا۔ ملزم نے بتایا کہ وہ آئی 8 کےپارک میں اکھٹے ہوئے اور جب شہباز بھٹی گھر سے نکلےتوراستہ روک کران کی گاڑی پر فائرنگ کی۔ اس نے عمر عبداللہ اور عماد عادل کےساتھ مل کرشہباز بھٹی کو مارا۔ دوسری طرف اس سے پہلےعمادعادل کے گھر سے امسال 30 اگست کوبارود سے بھری گاڑی بھی برآمد ہوئی تھی۔