گوجرانوالہ میں خاتون نے بے وفا آشنا کی 2 سالہ بیٹی کو قتل کردیا

بچی کے باپ شاہد کا قاتلہ سے 5 سال سے تعلق تھا لیکن گھر والوں کی مرضی سے شادی کی۔ فوٹو:فائل

---

خاتون نے آشنا کی بے وفائی کا بدلہ لینے کے لیے اس کی 2سالہ بیٹی کو قتل کردیا۔

گونجرانوالہ میں خاتون نے آشنا کی بے وفائی کا بدلہ لینے کے لیے اس کی 2سالہ بیٹی کو ہی قتل کردیا، واقعہ تھانہ سبزی منڈی کے علاقے محلہ اتفاق پورہ میں پیش آیا۔

پولیس کے مطابق جواں سالہ لڑکی نے آشنا کی 2سالہ بیٹی ضامنہ کو منہ پر کپڑا ڈال کر قتل کیا ، بچی کے باپ شاہد کا سونیا سے گزشتہ 5سال سے معاشقہ چل رہا تھا ، اس نے گھر والوں کی مرضی سے شادی کر لی جس کا سونیا کو رنج تھا۔

پولیس نے بچی کی لاش پوسٹ مارٹم کے لیے بھجوا کر ملزمہ کی گرفتاری کے لیے چھاپے مارنے شروع کر دیے ہیں۔