پاک فوج کی قربانیاں خطے میں امن کے لیے ہیں ڈی جی آئی ایس پی آر

دشمن عناصر کی بلوچستان کو غیر مستحکم کرنے کی کوشش ان شاء اللہ ناکام ہوگی،ڈی جی آئی ایس پی آر، فوٹو: فائل

---

LONDON: ڈی جی آئی ایس پی آر میجر جنرل آصف غفور نے کہا ہے کہ شمالی وزیرستان اور بلوچستان میں سیکیورٹی اہلکاروں کی شہادت خطے میں امن کے لیے پاکستان کی قربانیاں ہیں۔

شمالی وزیرستان میں دہشتگردوں کی فائرنگ سے 6 جوانوں اور بلوچستان میں ایف سی پر فائرنگ سے کیپٹن سمیت 4 اہلکاروں کی شہادت پر ڈی جی آئی ایس پی آر نے کہا کہ قبائلی علاقوں کی سیکیورٹی صورتحال بہتر ہورہی ہے اور اب توجہ سرحدی سیکورٹی بنانے پر ہے۔

Shahadat of 6 sldrs on Pak-Afg Bdr & 4 in Bln is the sacrifice Pakistan making for peace in the region. While security of tribal areas has been improved with efforts now focused to solidify border, inimical forces are attempting to destabilise Bln. Their efforts shall IA fail.

— DG ISPR (@OfficialDGISPR) July 27, 2019

اپنے ٹوئٹ میں میجر جنرل آصف غفور کا کہنا تھا کہ چند دشمن عناصر بلوچستان کو غیر مستحکم کرنا چاہتے ہیں لیکن دشمن عناصر کی بلوچستان کو غیر مستحکم کرنے کی کوشش ان شاء اللہ ناکام ہوگی۔

یہ بھی پڑھیں: شمالی وزیرستان میں سرحد پار سے دہشتگردوں کی فائرنگ، پاک فوج کے 6 جوان شہید

واضح رہے کہ شمالی کہ شمالی وزیرستان میں سرحد پار سے دہشتگردوں کی فائرنگ کے نتیجے میں پاک فوج کے 6 جوان جب کہ تربت میں کومبنگ آپریشن کے دوران ایف سی پر فائرنگ سے کیپٹن سمیت 4 اہلکار شہید ہوئے تھے۔