لاہور میں 6 سالہ بچی سے زیادتی بھٹہ مزدور گرفتار

سندر کے علاقہ میں بھٹہ مزدور نے 6سالہ بچی کو زبردستی زیادتی کا نشانہ بنا ڈالا، گوجرانوالہ میںنوجوان نے 3 سالہ بچی کیساتھ مبینہ زیادتی کی کوشش کی۔

جس پر محلے داروں نے ملزم کو پکڑ لیااور تشدد کے بعد پولیس کے حوالے کر دیا،جبکہ قصورکے نواحی قصبہ منڈی عثمان والا میں 2 خواتین کو زیادتی کا نشانہ بنا دیا گیا۔ادھرتھرپارکرکی تحصیل چھا چھرو میں ملزمان نے 15سالہ لڑکی کو اجتماعی زیادتی نشانہ بنایا اورواقعے کی ویڈیو بھی بنائی، سندر کے علاقے میں واقعے کا فوری نوٹس لیتے ہوئے سی سی پی او لاہور نے مقدمے کے اندراج اور ملزم کی گرفتاری کیلیے ایس پی صدر ڈویژن ملک اویس کو احکام جاری کیے جس پر پولیس نے چھاپہ مار کر ملزم کو گرفتار کرلیا ،میڈیکل رپورٹ میں بچی سے زیادتی ثابت ہوگئی ہے۔




بتایا گیا کہ شوکت کی 6 سالہ بیٹی گھر کے باہر کھیل رہی تھی کہ بھٹہ مزدور بوٹا نے اسے اٹھا لیا اور قریب موجود کھیتوں میں زبردستی زیادتی کا نشانہ بنایا،بچی کے رونے پر لوگ جمع ہوگئے ، ملزم موقع سے فرار ہوگیابعدازاں،پولیس کی حراست میں ملزم نے اعتراف جرم کرلیا ۔گوجرانوالہ میں گلی نمبر 6 فضل بٹ والی کے رہائشی محسن اقبال کی 3سالہ بیٹی حرم سے زیادتی کی کوشش پر محلے داروں نے ملزم کوپکڑ لیا اور تشدد کے بعد پولیس کے حوالے کردیا۔