کراچی لیاری کا گینگسٹر امین بلیدی خاتون اور دو ساتھیوں سمیت گرفتار

ملزم پر قتل، بھتہ، اغوا برائے تاوان اور لاشیں پھینکنے کے مقدمات میں مطلوب تھا. فوٹو: فائل

---

حساس ادارے نے خفیہ اطلاع پر لاہور کے علاقے مال روڈ پر چھاپہ مار کر لیاری گینگ وار کے انتہائی اہم کارندے امین بلیدی ، جنید ، زبیر اور خاتون کو حراست میں لے کر نامعلوم مقام پر منتقل کر دیا ۔

گرفتار ملزم امین بلیدی پر قتل ، اقدام قتل ، بھتہ ، اغوا برائے تاوان ، تھانوں پر حملے اور اغوا کے بعد قتل کر کے لاشیں پھینکنے سمیت دیگر جرائم کے مقدمات میں پولیس کو مطلوب تھا ۔



پولیس کا کہنا ہے کہ لاہور سے گرفتار کیے جانے والا امین بلیدی لیاری گینگ وار کے انتہائی مطلوب نور محمد عرف بابا لاڈلہ کا دست راست ہے اور اس کی گرفتاری کو قانون نافذ کرنے والے ادارے انتہائی اہم قرار دے رہے ہیں اور اس بات کی قوی امید کی جا رہی ہے ملزم سے سنسنی خیز انکشافات متوقع ہے ، حساس ادارے نے امین بلیدی کے ہمراہ گرفتار کی جانے والی خاتون کے نام کو صیغہ راز میں رکھا ہوا ہے۔