صبور علی نے فلموں میں کام کرنے کے لیے شرط رکھ دی

میرا اداکارہ بننا محض ایک اتفاق تھا جو کہ میرے لیے بہترین ثابت ہوا، اداکارہ

ویب ڈیسک July 28, 2019

میرا اداکارہ بننا محض ایک اتفاق تھا جو میرے لیے بہترین ثابت ہوا، صبور علی (فوٹو: فائل)

لاہور: معروف پاکستانی ڈرامہ اداکارہ صبور علی نے فلموں میں کام کرنے کی خواہش ظاہر کی ہے لیکن ساتھ ہی شرط عائد کرتے ہوئے کہا ہے کہ اگر اچھا اسکرپٹ ملا تو ضرور فلموں میں کام کروں گی۔

ایک ویب سائٹ کو انٹرویو دیتے ہوئے صبور علی نے بتایا کہ میں ایرو ناٹیکل انجینئر بننا چاہتی تھی لیکن میرا اداکارہ بننا محض ایک اتفاق تھا کیوں کہ میں بہت شرمیلی تھی لیکن شروع سے ہی گلوکاری اور اداکاری کرنے کی شوقین تھی، میرے ساتھ ہونے والا اتفاق میرے لیے بہترین ثابت ہوا اور اب میں اس شعبے میں ڈھل چکی ہوں اور اس سے محبت کرتی ہوں۔

[instagram-post url="https://www.instagram.com/p/BvjNmQ7lO00/"]

صبور علی نے یہ بھی کہا کہ اداکاری کے ساتھ ساتھ میرے بہت سے شوق ہیں لیکن ان میں سب سے زیادہ شوق مجھے لکھنے کا ہے، لوگ مجھے ہمیشہ ہاتھ میں پین اور نوٹ بک پکڑے دیکھیں گے اگر میرے سامنے اداکاری کے سوا کوئی دوسرا انتخاب ہوتا تو میں انٹیریئر ڈیزائنر ہوتی۔

[instagram-post url="https://www.instagram.com/p/B0apVs2AKc5/"]

اداکارہ نے یہ بھی کہا کہ سلور اسکرین نے مجھے بہت کچھ سکھایا ہے لیکن بڑی اسکرین پر کام کرنا ہر اداکارہ کا خواب ہوتا ہے، مستقبل میں اگر مجھے اچھا اسکرپٹ ملا تو میں ضرور فلموں میں کام کروں گی۔