سی این جی شیڈول تبدیل ایسوسی ایشن نے ہڑتال کی کال واپس لے لی

سوئی سدرن گیس کمپنی نے کراچی میں سی این جی بندش کے شیڈول میں تبدیلی کردی، جس کے بعد سی این جی ایسوسی ایشن نے ہڑتال کی کال واپس لے لی۔


ایکسپریس نیوز کے مطابق کراچی میں سوئی سدرن گیس کمپنی نے ہفتے میں 48، 48 گھنٹے کی دوبار لوڈشیڈنگ کا اعلان کیا تھا جس پرآل پاکستان سی این جی ایسوسی ایشن نے جمعرات کوہڑتال کی کال دی تھی۔ سی این جی ایسوسی ایشن کا کہنا تھا کہ نئے شیڈول کی وجہ سے شہریوں کو 5 دن تک سی این جی سے محروم رہنا پڑے گا، یہ فیصلہ غیر دانشمندانہ ہے۔

سوئی سدرن گیس کمپنی کے اعلامیے کے مطابق سی این جی اسٹیشنز جمعرات اور ہفتے کے روز صبح 8 بجے سے 24 گھنٹے کے لیے بند ہوں گے۔ سوئی سدرن کی جانب سے شیڈول میں تبدیلی کے بعد سی این جی ایسوسی ایشن نے ہڑتال کی کال واپس لے لی۔