عمران خان ضدی وزیراعظم ہیں ریاست مدینہ کا وژن پورا کرکے رہیں گے صدر عارف علوی

وزیراعظم عمران خان ملک کو اقلیتیوں کے لیے محفوظ بنانا چاہتے ہیں، صدر مملکت۔ فوٹو:فائل

---

صدر مملکت عارف علوی کا کہنا ہے کہ عمران خان ضدی وزیراعظم ہیں، ریاست مدینہ کا وژن پورا کرکے رہیں گے۔

اسلام آباد میں ایک تقریب سے خطاب کرتے ہوئے صدر مملکت عارف علوی کا کہنا تھا کہ ریاست مدینہ ایک بڑا وژن ہے، ریاست مدینہ کے آئیڈیاز کو ملک میں نافذ کریں گے، نئے پاکستان کے لیے ریاست مدینہ اور اسلام کو بنیاد بنایا گیا ہے، عمران خان ضدی وزیراعظم ہیں، ریاست مدینہ کا وژن پورا کرکے رہیں گے۔

صدر مملکت عارف علوی نے کہا کہ وزیراعظم عمران خان ملک کو اقلیتیوں کے لیے محفوظ بنانا چاہتے ہیں، ملک ہر اعتبار سے اوپر جائے گا، ہم سب پاکستانی ہیں اور پاکستانی ہی رہیں گے۔