ثناء ’’دل پردیسی ہو گیا‘‘ کی شوٹنگ کے لیے بھارت جائیں گی

فلم میں مرکزی کردار ادا کررہی ہوں جس میں حیا علی اور سردار کمال بھی شامل ہیں، اداکارہ (فوٹو : فائل)

---

اداکارہ ثناء نے کہا ہے کہ وہ اگلے ماہ بھارت میں بننے والی فلم ''دل پردیسی ہو گیا '' کی شوٹنگ میں حصہ لینے کے لیے جائیںگی ۔اداکارہ نے بتایا کہ بھارتی فلم ''دل پردیسی ہو گیا '' میں وہ مرکزی کردار ادا کر رہی ہے اور ابھی فلم میں ان کی کچھ سین باقی ہے جو بنکاک میں شوٹ ہونے تھے مگر بعض وجوہات کی بنا پر بھارتی فلم یونٹ بنکاک نہ جا سکا اور اسی فلم کی شوٹنگ کو بھارت میں فلم بند کیا جائے گا ۔

اداکارہ ثناء نے کہا کہ ابھی وہ پاکستان میں اپنے بہت سے پراجیکٹ میں مصروف ہے جیسے ہی فرصت ملے گی وہ فلم کے ہدایتکار کو اپنی دستیابی کے بارے میں آگاہ کر دیں گی ۔انھوں نے کہا کہ توقع ہے کہ وہ ستمبر میں بھارت جائیں گی ۔ اس بھارتی فلم ''دل پردیسی ہو گیا ' میں پاکستانی اداکاروں میں اداکارہ ثناء ،حیا علی ، اور سردار کمال شامل ہیں ۔