ورلڈ ٹوئنٹی 20 جنوبی افریقہ اورآسٹریلیا کے ویمنزاسکواڈزکااعلان

آئندہ ماہ سری لنکا میں شیڈول ویمنز ورلڈ ٹی 20 کیلیے جنوبی افریقہ نے 14 رکنی اسکواڈ میں مگنون ڈو پریز کو کپتان مقرر کیا ہے۔ فوٹو: فائل

---

جنوبی افریقہ اور آسٹریلیا نے آئی سی سی ویمنز ورلڈ ٹی 20 کیلیے اسکواڈز کا اعلان کردیا، پروٹیز خواتین کے دستے کی قیادت مگنون ڈو پریز کے سپرد ہوگی جبکہ کینگروز ویمنز کے دستے میں ایک تبدیلی کرتے ہوئے شیرون ملانٹا کی جگہ لورین ایبسیری کو موقع دیا گیا ہے۔

تفصیلات کے مطابق آئندہ ماہ سری لنکا میں شیڈول ویمنز ورلڈ ٹی 20 کیلیے جنوبی افریقہ نے 14 رکنی اسکواڈ میں مگنون ڈو پریز کو کپتان مقرر کیا ہے جبکہ دیگر منتخب پلیئرز میں نائب قائد تریشا چیٹی، سوسن بنیڈے، دنیشا دیونرائن، شندرے فرٹز، ایلیسن ہوجکنسن، شبنم اسماعیل، ماریزانے کیپ، آیابونگا، مارشیا لیٹسوالو، سونیٹے لبسر، سونے لوس، یلینڈی وان ڈر ویستھوزن، ڈین وان نیکرک شامل ہیں۔ دوسری جانب آسٹریلین اسکواڈ میں کپتان جوڈی فیلڈ سمیت الیکس بلیک ویل، جیس کیمرون، سارہ کوئٹے ، لارن ایبسیری، راشیل ہینس، الیسا ہیلی، جولی ہنٹر، جیس جوناسین، میگ لیننگ، ایرن اوسبورنے، الیز پیری، لیھ پولٹن اور لیزا استھیلکر موجود ہیں۔