مقبوضہ کشمیر میں بھارتی فوج کی فائرنگ سے 4 کشمیری نوجوان شہید

قابض افواج نے سرچ آپریشن کرتے ہوئے گھر گھر تلاشی لی اور چادر و چار دیواری کا تقدس پامال کیا۔

ویب ڈیسک July 31, 2019

قابض افواج نے سرچ آپریشن کرتے ہوئے گھر گھر تلاشی لی اور چادر و چار دیواری کا تقدس پامال کیا۔ فوٹو:فائل

مقبوضہ کشمیر میں بھارتی فوج نے ریاستی دہشت گردی کا مظاہرے کرتے ہوئے فائرنگ کرکے 4 کشمیریوں کو شہید کردیا۔

کشمیر میڈیا سروس کے مطابق ضلع بانڈی پورہ میں قابض افواج نے سرچ آپریشن کیا جس کے دوران گھر گھر تلاشی لی اور چادر و چار دیواری کا تقدس پامال کیا۔

بھارتی فوج نے اسی دوران تین بے گناہ نوجوانوں کو حراست میں لیا اور انہیں جعلی مقابلے میں فائرنگ کرکے شہید کردیا۔ دوسری جانب ترال کے علاقے میں نامعلوم افراد نے بھارتی پولیس پر دستی بم کا حملہ کیا لیکن کوئی اہلکار ہلاک یا زخمی نہیں ہوا۔

بعدازاں قابض فوج نے ضلع شوپیاں میں شام کے وقت محاصرے اور گھر گھر تلاشی کے دوران ایک نوجوان کو گولیاں مار کرشہید کردیا۔ ادھر سری نگر میں نامعلوم مسلح افراد نے آزادی پسند رہنما احمد بخش کے گھر پر قاتلانہ حملہ کیا جس میں وہ محفوظ رہے۔