حکومت کی قوت خرید زیادہ تھی وہ جیت گئی سراج الحق

امیر جماعت اسلامی سراج الحق نے کہاہے کہ حکومت کی قوت خرید زیادہ تھی وہ جیت گئی۔

جمعے کے روز لاہور میں خطاب کرتے ہوئے سینیٹر سراج الحق نے کہا کہ حکمرانوں نے مدینہ کی ریاست کے نام پر عوام کو دھوکا دیا۔ ملک کے مسائل کا حل صرف نظام مصطفیؐ کے نفاذ میں ہے۔


انہوں نے کہا کہ اپوزیشن بکاؤ مال ڈھونڈنے کیلیے الٹراساؤنڈ کر رہی ہے۔ ہمیں اللہ نے خریدو فروخت کے کھیل کا حصہ بننے سے بچا لیا۔ سینیٹ الیکشن میں کھیلے گئے کھیل سے پورا ایوان مشکوک ہو گیا ہے۔ قوم کے سامنے سب کے چہرے بے نقاب ہو گئے ہیں۔ ایسے لوگوں سے توقعات لگانا خود فریبی ہے۔