ماں نے میری خوشی کے لیے ہر قربانی دی جسٹن بیبر

میری ماں نے اپنے خاندان کو ہمیشہ پہلی ترجیح پر رکھا اور اس طرح وہ دنیا کی خوبصورت ترین خاتون ہیں۔ فوٹو: فائل

---

ہالی وڈ کے کم عمر گلوکار جسٹن بیبر کے مطابق اس کی والدہ کے مضبوط ارادوں اور حوصلوں نے ان کو دنیا کی سب سے خوبصورت خاتون بنا دیا ہے۔

جسٹن کے مطابق اس کی والدہ اس کے لیے دنیا کی سب سے حسین خاتون ہے کیونکہ انھوں نے اپنے شوہر سے علیحدگی کے بعد بطور سنگل ماں بچوں کی پرورش کے لیے بے حد حوصلے اور قوت ارادی سے کام لیا اور جس کی وجہ سے آج وہ دنیا بھر میں مشہور ہیں۔



جسٹن بیبر نے اپنی کامیابی کا کریڈٹ اپنے سوتیلے باپ کوبھی دیا اورکہا کہ انھوں نے ان کی ماں کے ساتھ بہت اچھا سلوک کیا۔ 19 سالہ جسٹن نے بتایا کہ ان کی ماں نے اس کی خوشی کے لیے ہرچیز کی قربانی دی اور مجھے ایک معروف شخصیت بننے میں بے حد مدد دی۔ انھوں نے اپنے خاندان کو ہمیشہ پہلی ترجیح پر رکھا اور اس طرح وہ دنیا کی خوبصورت ترین خاتون ہیں۔