ٹھٹھہ سول اسپتال میں ہیپاٹائٹس سی کی ویکسین ختم

وزیر صحت نے ڈاکٹروں کی کمی پوری کرنے کا وعدہ کیا ہے ، سول سرجن

---

ٹھٹھہ میں ہیپاٹائٹس سی کے سیکڑوں مریض موجود ہیں مگر ویکسین نہ ہونے کی وجہ سے ہمیں سخت مشکلات کا سامنا ہے۔

سول سرجن ڈاکٹر عزیز طاہرانی نے میڈیا سے بات چیت کے دوران کہا کہ سول اسپتال ٹھٹھہ کا سب سے بڑا اسپتال ہے اور اللہ کے فضل کرم سے یہاں پر سانپ، کتے کاٹنے کی ویکسین وغیرہ سب موجود ہیں۔ عوام کی خدمت کے لیے 24 گھنٹے ڈاکٹرز موجود ہوتے ہیں، ڈاکٹروں کی کمی وزیر صحت اویس مظفر نے پوری کرنے کا وعدہ کیا ہے، جلد پوری ہو جائیگی۔



ہمارے پاس ہیپاٹائٹس سی کے588 مریض ہیں جن کا کورس چل رہا تھا مگر ایک ماہ کا عرصہ گزر جانے کے باوجود پورے سندھ میں ہیپاٹائٹس سی کی ویکسین موجود نہیں ہے جس سے مریضوں کو سخت مشکلات درپیش ہیں۔ حکومت یہ مسئلہ جلد حل کروادے تو تمام مشکلات دور ہو جائیگی۔