بھارتی باکسر نے عامر خان کو اسلحے کا انبار لگا کر مقابلے کا چیلنج کردیا

اپنے سامنے میز پر مہلک ہتھیار سجا کر پاکستانی نژاد برطانوی باکسر عامر خان کو چیلنج کردیا، فوٹو: ٹوئٹر

---

مکسڈمارشل آرٹ کے ماہراور انڈین باکسر نیرج گویاٹ نے میز پر اسلحے کا انبار لگا کر عامر خان کو مقابلے کا چیلنج دے دیا ہے۔

بھارتی باکسر نیرج گویاٹ نے شہرت کے لئے نیا انداز اختیار کر لیا ۔ اپنے سامنے میز پر مہلک ہتھیار سجا کر پاکستانی نژاد برطانوی باکسر عامر خان کو چیلنج کردیا۔

نیرج کا سوشل میڈیا پر ہیش ٹیگ گینگسٹر کے نام سے چیلنج وائرل ہو گیا ہے ۔ اس میں انہوں نے عامر خان اور ورلڈ باکسنگ کونسل کو دھمکی اور پیغام دیا ہے۔ ان کا کہنا ہے کہ اب پوری طرح مقابلے کےلئے تیار ہیں۔

#Gangster #Toronto
I am fit now and ready to beat @amirkingkhan in the ring @WBCBoxing @wbcmoro #pearl_title pic.twitter.com/QJWNCHGfFo

- Neeraj Goyat (@GoyatNeeraj) August 1, 2019

 

عامر خان اور نیرج گویاٹ کی فائٹ جدہ میں شیڈول تھی لیکن انڈین باکسر کے کار حادثہ کی وجہ سے ملتوی کر دی گئی تھی جب کہ عامر خان نے ہنگامی طور پر آسٹریلوی باکسر بِلی ڈب سے چیلنج کی گئی فائٹ آسانی سے جیت لی تھی

دوسری جانب عامر خان نے انڈین باکسر کے دھمکی آمیز چیلنج کو ہوا میں اڑا دیا ،انہوں نے ٹویٹ میں جواب دیتے ہوئے لکھا ہے انہیں شکست دینے کے لئے صرف بندوق نہیں ،بلکہ بہت کچھ کرنے کی ضرورت ہو گی۔