بھارت اور اسرائیل کے درمیان دوستی کی بڑھتی ہوئی پینگیں

دوستی کے دن کی مناسبت سے اسرائیلی سفارت خانے نے مودی اور نیتن یاہو کی خصوصی ویڈیو جاری کی (فوٹو : فائل)

---

لاہور: مقبوضہ کشمیر اور مقبوضہ بیت المقدس کے قابضین کے درمیان دوستی کی بڑھتی ہوئی پینگوں پر اسرائیلی سفارت خانے کی جانب سے جاری ویڈیو نے مہر ثبت کردی۔

فلسطین میں اسرائیلی وزیراعظم نیتن یاہو کی جارحیت اور کشمیریوں پر مودی کے مظالم سے دونوں رہنماؤں کا غاصبانہ کردار اور آمرانہ سوچ بے نقاب ہوگئی ہے جو دونوں کی ایک دوسرے سے قربت کا باعث بھی ہے اور جس کا اظہار اسرائیلی سفارت خانے کی جانب سے جاری کی گئی ایک ویڈیو میں بھی کیا گیا ہے۔

Happy #FriendshipDay2019 India!

May our ever strengthening friendship & #growingpartnership touch greater heights.
🔊🎧🎶 ये दोस्ती हम नहीं तोड़ेंगे..... 🇮🇱❤🇮🇳 pic.twitter.com/BQDv8QnFVj

- Israel in India (@IsraelinIndia) August 4, 2019

بھارت میں تعینات اسرائیلی سفات خانے نے اپنی ایک ٹویٹ میں دوستی کے عالمی دن کے موقع پر نیتن یاہو اور مودی کی ایک دوسرے سے ملاقات کی تصاویر بھارتی فلم' شعلے' کے مشہور نغمے 'یہ دوستی ہم نہیں چھوڑیں گے' کے بیک گراؤنڈ کے ساتھ ٹویٹ کی ہے۔

ایک ایسے وقت میں جہاں فلسطینیوں کے گھروں کو مسمار کیا جا رہا ہے اور مقبوضہ کشمیر کو مکمل طور پر ایک چھاؤنی میں تبدیل کردیا گیا ہے اور ریاستی دہشت گردی کے ذریعے دونوں رہنماؤں نے مقبوضہ علاقوں میں خوف و ہراس کی فضا قائم کردی ہے، دونوں رہنما دوستی کا جشن منا رہے ہیں۔