آصف زرداری کے پروڈکشن آرڈر جاری

آصف زرداری نیب کی تحویل میں ہیں فوٹو: فائل

---

پیپلز پارٹی کے شریک چیئرمین آصف زرداری کے پروڈکشن آرڈر جاری کردیئے گئے ہیں۔

ایکسپریس نیوز کے مطابق اسپیکر قومی اسمبلی اسد قیصر نے پیپلز پارٹی کے شریک چیئرمین آصف زرداری کے پروڈکشن آرڈر جاری کرنے کی منظوری دے دی ہے۔ اس حوالے سے نوٹی فکیشن بھی جاری کردیا گیا ہے۔

نوٹی فکیشن میں متعلقہ حکام کو ہدایت کی گئی ہے کہ آصف زرداری کو قومی اسمبلی کے موجودہ اجلاس کے تمام سیشنز میں لایا جائے۔

واضح رہے کہ آصف زرداری نیب کی تحویل میں ہیں اور اسپیکر قومی اسمبلی نے گزشتہ ماہ ان تمام قائمہ کمیٹیوں کے اجلاس منسوخ کردیئے تھے جن میں آصف زرداری، خواجہ سعد رفیق اور دیگر زیر حراست ارکان اسمبلی شامل تھے۔