بلوچستان میں دہشتگردی کا بڑامنصوبہ ناکام بھاری تعداد میں اسلحہ اوربارود برآمد

برآمد اسلحے میں 14 کلوبارود، سرنگیں، کلاشنکوف، راکٹ لانچر کے گولے اور دستی بم شامل ہیں۔ فوٹو:فائل (فوٹو: فائل)

---

حساس اداروں نے کارروائی کرتے ہوئے اسلحہ اور باردوی مواد برآمد کرکے دہشت گردی کی بڑا منصوبہ ناکام بنادیا۔

اسسٹنٹ کمشنر ڈیرہ بگٹی زوہیب الحق کے مطابق ضلع میں حساس اداروں نے مختلف علاقوں میں سرچ آپریشن کے دوران بھاری تعداد میں اسلحہ اور گولہ بارود برآمد کیا ہے جو ممکنہ طور پر 14 اگست اور عید کے روز تخریب کاری کی کاررائیوں میں استعمال کیا جانا تھا۔

اسسٹنٹ کمشنر نے بتایا ہے کہ برآمد ہونے والے اسلحہ میں 14 کلوبارودی مواد، راکٹ لانچر کے گولے،مختلف اقسام کی گنیں، دستی اور ریموٹ کنٹرول بم، بارودی سرنگیں، تھری ناٹ تھری گنز، ایئرکرافٹ گنز اور ہزاروں راؤنڈز شامل ہیں۔

اسسٹنٹ کمشنرڈیرہ بگٹی کا کہنا تھا کہ دہشتگردوں کاعیداوریوم آزادی کےموقع کارروائی کاارادہ تھا، تاہم حساس ادارےاورلیویزنےممکنہ طورپردرجنوں افرادکی جانیں بچائیں۔