احسن اقبال کی نیب میں پیشی مریم نواز رانا مشہود آج طلب

مریم نواز، یوسف عباس شریف، عبدالعزیز عباس اور سابق صوبائی وزیر رانا مشہود آج نیب لاہور میں پیش ہوں گے۔ فوٹو: فائل

---

سابق وزیر داخلہ احسن اقبال نارووال اسپورٹس سٹی منصوبے میں مبینہ گھپلوں کی انکوائری کیلیے نیب راولپنڈی میں پیش ہو گئے۔

ذرائع کے مطابق نیب نے دوران تفتیش سوالنامہ ان کے حوالے کرتے ہوئے 2 ہفتوں میں تحریری جواب جمع کرانے کی ہدایت کی، اب انھیں عید کے بعد پھر طلب کیا جائے گا۔

دوسری جانب مریم نواز، ان کے کزنز اور نوازشریف کے بھتیجے یوسف عباس شریف، عبدالعزیز عباس اور سابق صوبائی وزیر رانا مشہود آج (جمعرات) نیب لاہور میں پیش ہوں گے۔