دنیا کشمیر پر پاک بھارت جنگ کی متحمل نہیں ہوسکتی امریکی سینیٹر لنزے گراہم

امریکا کو پاک بھارت کشیدگی ختم کرنے کےلیے کردار ادا کرنا ہوگا، لنزے گراہم فوٹو:فائل

---

امریکی سینیٹر لنزے گراہم نے کہا ہے کہ امریکا کو پاک بھارت کشیدگی ختم کرنے کےلیے کردار ادا کرنا ہوگا کیونکہ دنیا کسی طور پر اس کی متحمل نہیں ہوسکتی۔

امریکی سینیٹر لنزے گراہم نے ٹویٹ کرتے ہوئے کہا کہ ان کی وزیر خارجہ شاہ محمود قریشی سے کشمیر کی کشیدہ صورتحال پر ٹیلی فون پر بات چیت ہوئی ہے، پاکستان بھارت کے درمیان مزید کشیدگی بڑھنے سے پہلے کشمیر کی خصوصی حیثیت ختم کرنے کے بھارتی اقدام سے فوری نمٹنا ہوگا۔

Hope the Trump Administration will provide assistance to both Pakistan and India to find a way to deescalate the current crisis. The last thing the region and the world needs is further military confrontations between India and Pakistan over Kashmir.

— Lindsey Graham (@LindseyGrahamSC) August 7, 2019

لنزے گراہم نے کہا امید ہے کہ ٹرمپ انتظامیہ پاکستان اور بھارت کے درمیان موجودہ بحران کو ختم کرنے میں تعاون کرے گی، دنیا کسی طور پر پاک بھارت جنگ کی متحمل نہیں ہوسکتی اور مسئلہ کشمیر پر پاک بھارت فوجی محاذ آرائی نہ صرف خطے بلکہ پوری دنیا کیلیے نقصان دہ ثابت ہوگی۔