سونیا گاندھی وزیر اعظم بنیں تو اپنا سر منڈوا لونگی شمسا سواراج

بی جے پی کی رہنما شسما سواراج ایک بار پھرسونیا گاندھی کے راستے کی دیوار بننے کی کوشش کر رہی ہیں۔ بھارتی میڈیا۔ فوٹو : فائل

---

بھارتیہ جنتا پارٹی کی رہنما اورلوک سبھا میں قائد حزب اختلاف شسما سواراج نے ایک مرتبہ پھریہ اعلان کیا ہے کہ اگرکانگریس کی صدرسونیا گاندھی بھارتی وزیراعظم بنیں تووہ احتجاجاًاپنا سرمنڈوا دیں گی۔

آزادی ملنے کے بعد بھی ایک غیرملکی کومسلط کرنا ایک ارب بھارتیوں کی توہین ہوگی، جمعے کوبھارتی میڈیا کی رپورٹ کے مطابق بی جے پی کی رہنما شسما سواراج ایک بار پھرسونیا گاندھی کے راستے کی دیوار بننے کی کوشش کر رہی ہیں۔

لوک سبھا میں منعقدہ تقریب میں شسمانے کہا کہ سونیا راجیو کی بیوی اوراندرا گاندھی کی بہو بن کربھارت آئی تھیں، اس ناطے وہ ہمارے لیے محبت کی جگہ ہیں۔کانگریس کی صدر کے طور پر بھی ہم ان کا احترام کرتے ہیں لیکن اگر وہ وزیراعظم بننا چاہتی ہیں توہمارا سیدھا سا جواب ہے، ''نہیں۔