عراق کے داارلحکومت کے شمال میں پولیس کیمپ پر کئے جانے والے خودکش حملے کے نتیجے میں 4 پولیس اہلکار ہلاک جبکہ متعدد زخمی ہوگئے۔
غیر ملکی خبر رساں ایجنسی کے مطابق سیکیورٹی اہلکاروں کی وردی میں ملبوس خود کش حملہ آوروں نے بغداد کے شمالی علاقے بائی جی کے پولیس کیمپ پرحملہ کردیا ، ایک خود کش حملہ آور کو پولیس نے فائرنگ کر کے ہلاک کر دیا جبکہ دیگر خود کش حملہ آور اپنے آپ کو پولیس کیمپ کے اندر اڑا نے میں کامیاب ہو گئے، حکام کے مطابق جس وقت پولیس کیمپ پر حملہ کیا گیا اس وقت کیمپ میں پولیس اہلکاروں کی تعداد کم تھی جس کے باعث جانی نقصان کم ہوا۔