بلوچستان کے شہر حب میں ٹریفک حادثے کے نتیجے میں 3 افراد جاں بحق ہوگئے۔

ریسکیو ذرائع کے مطابق حادثہ حب کے علاقے گڈانی موڑ کے قریب پیش آیا جہاں تیز رفتار کار اور موٹر سائیکل میں تصادم ہوگیا، خوفناک حادثے کے نتیجے میں 3 افراد موقع پر ہی جاں بحق ہوگئے۔

میتوں کو مقامی اسپتال منتقل کردیا گیا ہے جہاں شناخت کا عمل جاری ہے، مقامی تھانے کی پولیس بھی اسپتال پہنچ گئی ہے اور ضابطے کی کارروائی کے بعد میتوں کو لواحقین کے حوالے کیا جائے گا۔