عدم ادائیگی پر نوابشاہ ریلوے اسٹیشن کی بجلی منقطع

گزشتہ ایک برس کے دوران بلوں کی عدم ادائیگی پر نوابشاہ ریلوے اسٹیشن کی بجلی 3 مرتبہ کاٹی گئی۔ فوٹو : فائل

---

بجلی کے بلوں کی عدم ادائیگی کے باعث نوابشاہ ریلوے اسٹیشن کی بجلی بھی کاٹ دی گئی۔

تفصیلات کے مطابق نوابشاہ مختلف مسائل کا شکار ہے اسکا سب سے بڑا مسئلہ بجلی کا ہے گزشتہ ایک برس کے دوران بلوں کی عدم ادائیگی پر 3 مرتبہ یہاں کی بجلی کاٹی گئی جس کی وجہ سے ریلوے کالونی، ریلوے اسٹیشن کا علاقہ شدید متاثر ہوا ہے۔



جمعرات کے روز ایک مرتبہ پھر بجلی کے بلوں کے 30 لاکھ روپے ادا نہ کرنے کے باعث حیسکو نے نوابشاہ ریلوے اسٹیشن کی بجلی کاٹ دی۔ اس وقت ریلوے اسٹیشن سمیت پورا علاقہ اندھیروں میں ڈوبا ہوا ہے۔