آئی ایس آئی ایجنٹ قرار دینے پر حمزہ عباسی کا بھارتی چینل کو کرارا جواب

میں فخر سے کھلے عام کہتا ہوں کہ آئی ایس آئی کا ایجنٹ ہوں، اداکار (فوٹو: فائل)

---

پاکستانی اداکار حمزہ علی عباسی نے بھارتی چینل کی جانب سے آئی ایس آئی ایجنٹ کہنے پر چینل کو کرارا جواب دیا ہے۔

مودی سرکار کی انتہا پسند پالیسی کی حمایت کرنے والا بھارتی میڈیا بھی کشمیریوں کی آواز دبانے میں پیش پیش ہے یہاں تک کہ مودی سرکار کی کشمیر میں جاری خونریزی پر پردہ ڈالنے میں اور پاکستان کے خلاف زہر اگلنے میں بھارتی چینل منفی پراپیگنڈا کرنے میں مصروف ہیں۔

پاکستان سے نفرت میں مبتلا ایک بھارتی چینل ری پبلک بھارت نے حمزہ علی عباسی کو پاکستانی کی خفیہ ایجنسی اںٹر سروسز انٹیلی جنس (آئی ایس آئی) کا ایجنٹ قرار دے دیا۔

حمزہ عباسی نے بھارتی چینل پر نشر کی جانے والی خبر کے کچھ اسکرین شارٹ ٹویٹر پر شیئر کیے اور چینل کو کرارا جواب دیتے ہوئے کہا کہ اداکار، صحافی اور جنگ کے حامی ارناب گوسوامی نے اپنی اور چینل کی شہرت کے لیے مجھے آئی ایس آئی کا خفیہ ایجنٹ قرار دیا ہے۔

So tht over actor & war mongerer for ratings guy Arnab/his channel declared me an undercover ISI agent! Let me clarify, i am not an "undercover" ISI agent, i am very openly/proudly an ISI agent, just like more than 200 million Pakistanis are proud ISI agents! #15thAugustBlackDay pic.twitter.com/P6O4Qyk5ff

— Hamza Ali Abbasi (@iamhamzaabbasi) August 15, 2019

حمزہ علی عباسی نے یہ بھی کہا کہ میں یہ بات واضح کردینا چاہتا ہوں کہ میں آئی ایس آئی کا خفیہ ایجنٹ نہیں ہوں بلکہ میں فخرسے سرعام کہتا ہوں کہ میں آئی ایس آئی کا ایجنٹ ہوں جس طرح 20 کروڑ پاکستانی آئی ایس آئی ایجنٹ ہونے پر فخر کرتے ہیں۔