دفترخارجہ نے جنوبی وزیرستان میں ڈرون حملوں کی شدید مذمت کرتے ہوئے کہا ہے کہ یہ حملے ریاستوں کے درمیان تعلقات کے حوالے سے خطرناک روایت قائم کررہے ہیں۔

دفتر خارجہ کے بیان میں کہا گیا ہے کہ ڈرون حملے پاکستان کی خود مختاری کی خلاف ورزی کرتے ہیں، پاکستان مسلسل ڈرون حملے بند کرنے کا مطالبہ کررہا ہے کیونکہ ان میں معصوم جانوں کا ضیاع ہورہا ہے۔ ڈرون حملوں سے دونوں ممالک کے درمیان تعلقات اور خطے کی سلامتی پر منفی اثرات مرتب ہورہے ہیں۔

واضح رہے کہ گزشتہ صبح شمالی وزیرستان کے علاقے شوال میں امریکی ڈرون طیاروں کے میزائل حملوں میں7 افراد جاں بحق جب کہ 4 زخمی ہوگئے تھے۔