گھارو مقابلے کے بعد 2 ڈاکو زخمی حالت میں گرفتار

گرفتار ڈاکوؤں میں ایک کا نام سائیں بخش چانڈیو، جبکہ دوسرے کا سکندر ہے۔ فوٹو:اے ایف پی/فائل

---

گھارو میں پولیس اور ڈاکوئوں کے درمیان مقابلہ، 2 گرفتار، اسلحہ برآمد مقدمہ درج۔

تفصیلات کے مطابق گھارو میں ڈاکوئوں کے گروہ کے 2 کارندوں کو پولیس نے مقابلے کے بعد زخمی حالت میں موٹر سائیکل و اسلحہ سمیت گرفتار کر لیا ہے۔



پولیس کے مطابق قومی شاہراہ پر دوران گشت انھیں لوٹ مار کی اطلاع ملی، پولیس پہنچنے پر ڈاکوئوں نے فائرنگ کردی۔ جس کے بعد پولیس اور ڈاکوئوں کے مابین مقابلے کے بعد 2 ڈاکو زخمی حالت میں اسلحہ سمیت گرفتار کر لیے گئے۔ گرفتار ڈاکوئوں میں ایک ور شہر کا رہائشی سائیں بخش چانڈیو، جبکہ دوسرا سیہون کا رہائشی سکندر میمن شامل ہیں۔ ان سے 2 ٹی ٹی پستول برآمد کر لیے گئے ہیں۔