پختونخوا حکومت اقلیتوں کے تحفظ میں ناکام ہوگئی فضل الرحمن

پشاور جیسے واقعات سے صرف قومی یکجہتی کو نقصان پہنچانے کی کوشش کی جا رہی ہے،مولانا فضل الرحمان۔ فوٹو: فائل

---

جمعیت علمائے اسلام (جے یو آئی ) ف کے سربراہ فضل الرحمن نے پشاور گرجا گھر میں خودکش دھماکے کی شدید مذمت کرتے ہوئے کہا ہے کہ خیبرپختونخوا حکومت اقلیتوں کو تحفظ فراہم کرنے میں بری طرح ناکام ہو گئی ہے۔

اپنے بیان میں انھوں نے کہا یہ واقعہ وطن عزیز کے خلاف ایک گہری سازش ہے، کوئی مذہب عبادت گاہوں پر حملے کی اجازت نہیں دیتا اور ایسے واقعات سے صرف قومی یکجہتی کو نقصان پہنچانے کی کوشش کی جارہی ہے۔



مولانا فضل الرحمٰن نے کہا کہ جے یو آئی اقلیتوں کے غم میں برابر کی شریک ہے۔