ڈی اين اے ٹيسٹ زيادتی مقدمات ميں بنيادی شہادت كے طور پرقابل قبول نہیں اسلامی نظرياتی كونسل

مولانا محمد خان شیرانی نے كہا كہ عدالت يہ فيصلہ كر سكتی ہے كہ ڈی اين اے ٹيسٹ سے كس طرح كی معاونت حاصل كرنی ہے۔

---

اسلامی نظرياتی كونسل نے ڈی اين اے ٹيسٹ كو زيادتی كے مقدمات ميں بنيادی شہادت كے طور پر قبول کرنے سے انکار کر دیا۔

اسلام آباد میں پريس كانفرنس سے خطاب كرتے ہوئے اسلامی نظرياتی كونسل كے چيئرمين مولانا محمد خان شيرانی نے كہا كہ ڈی اين اے ٹيسٹنگ مفيد اور جديد ٹيكنيک ہے جسے معاونتی شہادت كے طور پر استعمال كيا جا سكتا ہے ليكن اسے بنيادی شہادت تسلیم نہیں كيا جا سكتا۔ انہوں نے كہا كہ عدالت يہ فيصلہ كر سكتی ہے كہ ڈی اين اے ٹيسٹ سے كس طرح كی معاونت حاصل كرنی ہے۔

مولانا محمد خان شيرانی نے كہا كہ كونسل نے تحفظ نسواں ايكٹ 2006 كو مسترد كردیا ہے کیونکہ اس كی دفعات اسلامی تعليمات كے منافی ہيں، ان کا کہنا تھا كہ ناموس رسالت كے موجودہ قانون كو تبديل نہيں كيا جانا چاہيے، پاکستان کے ضابطہ فوجداری میں ایسی دفعات موجود ہیں جو جھوٹا الزام لگانے یا جھوٹی گواہی دینے کا احاطہ کرتی ہیں۔