سکھر میں کاروکاری کے تنازعے پر لڑکا اور لڑکی قتل 7 افراد زخمی

کاروکاری کےتنازعہ پرمیرانی اور لکھن برادری کے درمیان شدید فائرنگ کا تبادلہ ہوا جس کے باعث لڑکا اور لڑکی جاں بحق ہوئے ، فوٹو:فائل

---

سکھر میں کاروکاری کے تنازعے پر دو خاندانوں کے درمیان فائرنگ کے نتیجے میں لڑکا اور لڑکی جاں بحق جب کہ 7 افراد شدید زخمی ہوگئے ہیں۔

ایکسپریس نیوز کے مطابق سکھر کی چھوارا منڈی کے قریب کاروکاری کے تنازعہ پر میرانی اور لکھن برادری کے درمیان شدید فائرنگ کا تبادلہ ہوا جس کی زد میں آکر مبینہ طور پر کاروکاری کے مرتکب تسلیمہ لکھن اور شہزادو میرانی جاں بحق ہوگئے جب کہ دونوں خاندانوں کے 7 افراد شدید زخمی ہوگئے، فائرنگ سے جاں بحق اور زخمی ہونے والوں کو تعلقہ اسپتال روہڑی منتقل کردیا گیا جہاں زخمیوں کو طبی امداد فراہم کی جارہی ہے۔

دونوں برادریوں کے درمیان فائرنگ کا تبادلے کے باعث پولیس نے علاقے کا محاصرہ کرلیا جب کہ شدید فائرنگ کے باعث علاقہ مکینوں میں خوف و ہراس پھیل گیا جب کہ چھوارا منڈی بھی بند ہوگئی۔