نوجوان اپنی موت کی پیش گوئی کے 3روز بعد ایک ٹریفک حادثے میں جاں بحق ہوگیا، فوٹو:فائل
بعض اوقات مذاق میں کی گئی باتیں سچ بھی ثابت ہو جاتی ہیں، ایسا ہی کچھ ایک سعودی نوجوان کے ساتھ بھی ہوا جس نے سماجی رابطے کی ویب سائٹ ٹویٹر پر اپنے ایک پیغام میں تمام دوستوں سے مرنے کے بعد اسے معاف کرنے کی درخواست کی، سعودی اخبار کے مطابق بندر الحربے نامی نوجوان نے اپنی موت سے 3 روز قبل ٹویٹر پر اپنے دوستوں سے مرنے کے بعد معافی کی درخواست کی تھی اور اس کے 3 روز بعد پیر کو سعودی عرب کے 83 ویں قومی دن کے موقع پر ایک ٹریفک حادثے میں ہلاک ہو گیا۔ اخبار کا کہنا ہے کہ نوجوان کو اس کے آبائی گاؤں میں سپردخاک کردیا گیا ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔