اسلام آباد سے مری جاتے ہوئے بائیس میل کے مقام پر مسافر وین کھائی میں جا گری، تین افراد جاں بحق، گیارہ زخمی ہوگئے۔

ایکسپریس نیوز کے نمائندے قمر النور کے مطابق حادثے کے بعد مسافر وین مکمل طور پر تباہ ہوگئی جس کے باعث لاشوں کو نکالنے میں مشکلات کا سامنا کرنا پڑا، عینی شاہدین کے مطابق حادثہ تیز رفتاری کے باعث پیش آیا۔

ریسکیو ٹیموں نے زخمیوں کو راولپنڈی اور اسلام آباد کے مختلف اسپتالوں میں منتقل کردیا۔