دریائے ستلج پر بند ٹوٹنے سے کئی دیہات زیر آب زمینی رابطہ منقطع

دریائے ستلج میں نچلے درجے کا سیلاب، ملحقہ آبادیوں میں ریڈ الرٹ جاری فوٹو:فائل

---

KARACHI: بہاول پور میں دریائے ستلج پر واقع بند ٹوٹنے سے سیلاب آگیا اور متعدد علاقوں کا زمینی راستہ منقطع ہوگیا۔

بھارت نے آبی دہشت گردی کا مظاہرہ کرتے ہوئے لاکھوں کیوسک پانی چھوڑ دیا جس کے نتیجے میں ڈیرہ بکھا کے علاقے میں دریائے ستلج پر قائم حفاظتی بند ٹوٹ گیا۔ پانی کا ریلا درجنوں بستیوں میں داخل ہوگیا ہے جس کے نتیجے میں سیکڑوں ایکڑ پر کھڑی فصلیں اور متعدد رہائشی بستیاں زیر آب آگئی ہیں۔

دریائے ستلج میں نچلے درجے کا سیلاب ہے اور دریا سے ملحقہ آبادیوں میں ریڈ الرٹ جاری کردیا گیا ہے جبکہ امدادی اہلکاروں نے دیہی آبادی کو محفوظ مقام پر منتقل کردیا ہے۔