ٹوئٹر مودی سرکار کا بغل بچہ بن گیا

مراد سعید کا ٹویٹر اکاونٹ بند کرنے کی بھارتی درخواست مسترد   

---

مقبوضہ کشمیر میں بھارتی مظالم کے خلاف آواز اٹھانے پر ٹوئٹر انتظامیہ نے پاکستانی صحافیوں کے بعد سیاست دانوں کو بھی نوٹس جاری کردیا۔

ٹوئٹر انتظامیہ کی جانب سے مقبوضہ کشمیر میں بھارتی مظالم کے خلاف آواز اٹھانے پر پاکستانی صحافیوں کے بعد سیاست دانوں کے سوشل میڈیا اکاؤنٹس بند کروانے کی کوشش کی جارہی ہے اور اس ضمن میں ٹوئٹر کی جانب سے صدر پاکستان سمیت متعدد سیاست دانوں کو نوٹس جاری کیے گئے ہیں۔

Twitter has really gone too far in becoming mouthpiece of the Rogue Modi govt! They sent a notice to our President! In bad taste and simply ridiculous. pic.twitter.com/9jxhmVKaL9

— Shireen Mazari (@ShireenMazari1) August 26, 2019

وفاقی وزیرانسانی حقوق شیری مزاری نے اپنی ٹوئٹ میں کہا کہ ٹویٹرانتظامیہ بھی مودی سرکارکا بغل بچہ بن گئی، ٹویٹر انتظامیہ کا صدرعارف علوی کونوٹس مضحکہ خیز ہے۔

اس سے قبل وفاقی وزیرمواصلات مراد سعید نے مقبوضہ وادی کے بد ترین حالات پر ٹویٹ کیا تھا جس کے رد عمل میں بھارتی حکومت نے ٹویٹر انتظامیہ سے مراد سعید کا اکاونٹ بند کرنے کی درخواست کی تھی۔

دوسری جانب بھارتی وزارت داخلہ کی جانب سے شکایت موصول ہونے پر ٹویٹر انتظامیہ کا مراد سعید سے رابطہ کیا اور بھارت کی جانب سے کی گئی شکایت سے مراد سعید کو باقاعدہ آگاہ کیا۔

پی ٹی آئی کے رکن قومی اسمبلی نے اپنی ٹوئٹ میں کہا تھا کہ ہم کشمیری میں بھارتی مظالم پر خاموش نہیں رہیں گے اور بھارتی جارحیت کو دنیا بھر میں بے نقاب کریں گے۔

Deploy armies, put barricades, suspend media, impose curfew, bare people from going IOK. We can’t be silenced India, you will still be exposed. You will still be exposed.#KashmirGenocideByModi #KashmirWantsFreedom pic.twitter.com/1tCLbUaCGh

— Murad Saeed (@MuradSaeedPTI) August 24, 2019

خیال رہے کچھ روز قبل ٹوئٹر کی جانب سے سابق وزیرداخلہ رحمان ملک کی جانب سے بھارتی جارحیت بے نقاب کرنے پر نوٹس جاری کیا گیا تھا۔