ڈین جونز نے اسی ہفتے ’بڑی خبر‘ سامنے آنے کی پیشگوئی کردی

ڈین جونز پاکستانی ہیڈ کوچ کی اہم ذمہ داری کیلیے دوڑ میں شامل اہم امیدواروں میں سے ایک ہیں۔ فوٹو: فائل

---

پاکستانی ہیڈ کوچ کیلیے درخواست دینے والے سابق آسٹریلوی کرکٹر ڈین جونز نے اسی ہفتے 'بڑی خبر' سامنے آنے کی پیشگوئی کردی۔

ڈین جونز پاکستانی ہیڈ کوچ کی اہم ذمہ داری کیلیے دوڑ میں شامل اہم امیدواروں میں سے ایک ہیں، ان کی رہنمائی میں اسلام آباد یونائیٹڈ کو 2 مرتبہ پی ایس ایل چیمپئن بننے کااعزاز حاصل ہوا۔

ڈین جونز نے گزشتہ روز ٹویٹ کیا کہ اسی ہفتے ایک بڑی خبر سامنے آنے والی ہے، جس سے یہ قیاس آرائیاں شروع ہوگئیں کہ شاید انھیں ہیڈ کوچ کی ذمہ داری ملنے والی ہے۔