عراق کے شہر کرکوک میں 2 خود کش حملے اورفائرنگ 3 فوجیوں سمیت 14 افراد ہلاک
شدت پسندوں نے مقامی انتظٓا میہ کی عمارت پر خودکش حملے کے بعد مارٹر بموں سے حملہ اورفائرنگ بھی کی۔ فوٹو؛ اے ایف پی/فائل
عراق کے شہر کرکوک میں شدت پسندوں کی جانب سے پولیس اسٹیشن اور مقامی انتظامیہ کی عمارتوں پر خودکش دھماکوں، مارٹر حملوں اور فائرنگ کے نتیجے میں 3 فوجیوں سمیت 14 افراد ہلاک اورمتعدد زخمی ہوگئے
غیر ملکی خبر رساں ایجنسی کے مطابق عراق کے شہر کر کوک کے شمالی علاقے حویجا میں ایک خود کش بمبار نے پولیس اسٹیشن کے قریب دھماکا خیر مواد سے بھری گاڑی اڑا دی جبکہ ایک اور خود کش بمبار نے بارود سے بھری گاڑی مقامی انتظامیہ کی عمارت کے قریب اڑا ئی جس کے بعد شدت پسندوں نے مقامی انتظا میہ کی عمارت پر مارٹر بموں سے حملہ اور فائرنگ شروع کر دی جس کے نتیجے میں 3 فوجیوں سمیت 14افراد ہلاک اورمتعدد زخمی ہوگئے۔
امدادی ٹیموں نے جائے وقوعہ پرپہنچ کر ہلاک اورزخمی ہونے والے افراد کو قریبی اسپتالوں میں منتقل کردیا جب کہ سیکیورٹی فورسز نے شدت پسندوں کے دیگر ساتھیوں کی گرفتار ی کے لئے علاقے کا محاصرہ کر کے سرچ آپریشن بھی کیا۔