بھارتی ہیڈ کوچ سوشل میڈیا پر تصویر شیئر کرکے مذاق کا نشانہ بن گئے

روی شاستری کو اپنا پیٹ اندر کرنا چاہیے، وہ بھارتی ٹیم کے کوچ ہیں کسی گلی محلے کی ٹیم کے نہیں، شائقین۔ فوٹو : فائل

---

بھارتی ہیڈ کوچ روی شاستری سوشل میڈیا پر اپنی تصویر شیئر کرکے مذاق کا نشانہ بن گئے۔

روی شاستری سوشل میڈیا پر اپنی تصویر شیئر کرکے مذاق کا نشانہ بن گئے، خاص طور پر نکلے ہوئے پیٹ کی وجہ سے ان پر تنقید ہو رہی ہے۔

ویسٹ انڈیز سے پہلے ٹیسٹ میں فتح کے بعد بھارتی ٹیم جشن منانے ساحل سمندر پر پہنچی جہاں پر ٹی شرٹ میں ملبوث شاستری نے اپنی تصویر شیئر کرتے ہوئے لکھا کہ بہت گرمی ہے اور یہ جوس کا ٹائم ہے۔

شائقین کا کہنا تھا کہ انھیں اپنا پیٹ اندر کرنا چاہیے، وہ بھارتی ٹیم کے کوچ ہیں کسی گلی محلے کی ٹیم کے نہیں، اسی قسم کے اور بھی دلچسپ کمنٹس دیے گئے۔