سلطان آف جوہرہاکی چیمپین شپ میں بھارت نے پاکستان کو ہرادیا

KARACHI:
سلطان آف جوہر جونئیر ہاکی چیمپین شپ میں بھارت نے پاکستان کو 0- 4 کے بھاری مارجن سے شکست دے دی۔


ملائیشیا کے شہر جوہربارو میں کھیلے جارہے ایونٹ میں پاکستان کو روایتی حریف بھارت نے آؤٹ کلاس کردیا، کھیل کے دوران بھارت کی جانب سے پے در پے حملے کئے گئے جبکہ پاکستانی کھلاڑیوں نے کئی اہم مواقع گنوائے، جس کا نتیجہ روایتی حریف کے ہاتھوں 0-4 کی عبرتناک شکست کی صورت میں نکلا۔

واضح رہے کہ بھارت کے ہاتھوں شکست سے دوچار قومی جونیئر ٹیم ایونٹ میں جنوبی کوریا اور انگلینڈ کو ہرا چکی ہے جبکہ جمعرات کو اس کا مقابلہ میزبان ملائیشیا سے ہوگا۔