شیخ رشید کو جلسے سے خطاب کے دوران کرنٹ لگ گیا

کشمیریوں سے اظہار یکجہتی کے جلسے سے خطاب کے دوران مائک پکڑنے پر شیخ رشید کو کرنٹ لگا

ویب ڈیسک August 30, 2019

جلسے سے خطاب کے دوران مائک پکڑنے پر شیخ رشید کو کرنٹ لگا۔ فوٹو : فائل

وزیر ریلوے شیخ رشید کو جلسے سے خطاب کے دوران کرنٹ لگ گیا۔

وزیراعظم کے اعلان کے بعد آج ملک بھر میں 12 سے 12:30 کے دوران کشمیر آور منایا گیا، اس دوران ملک بھر میں ریلیاں نکالی گئیں اور کشمیری عوام سے بھرپور اظہار یکجہتی کیا گیا، اسلام آباد میں کشمیریوں سے اظہار یکجہتی کی مرکزی تقریب ہوئی جس میں وزیراعظم عمران خان، صدر عارف علوی، چاروں صوبوں کے وزرائے اعلیٰ اور ارکان اسمبلی سمیت دیگر اہم شخصیات نے شرکت کی۔

https://twitter.com/omarbinasif/status/1167372744901693440

کشمیر آور کے دوران کشمیریوں سے اظہار یکجہتی کے لیے وزیر ریلوے شیخ رشید نے بھی لال حویلی کے باہر جلسے کا انعقاد کیا، جلسے میں خطاب کے دوران مائک پکڑنے پر شیخ رشید کو کرنٹ لگ گیا تاہم انہوں نے کپڑے سے مائک پکڑ کرخطاب جاری رکھا۔