پی سی بی میں اہم تقرریوں کے لیے4 رکنی کمیٹی قائم اسد علی سربراہ مقرر

کمیٹی خالی آسامیوں کیلیے موزوں افراد کی شناخت، انٹرویوز اور انتخاب کرنے کی ذمہ داری سرانجام دے گی

Sports Reporter August 31, 2019

کمیٹی خالی آسامیوں کیلیے موزوں افراد کی شناخت، انٹرویوز اور انتخاب کرنے کی ذمہ داری سرانجام دے گی فوٹو: فائل

KARACHI: پی سی بی میں اہم تقرریوں کیلیے 4 رکنی نومینیشن کمیٹی قائم کردی گئی۔

اسد علی خان کو کمیٹی کا سربراہ مقرر کیا گیا ہے، شاہ ریز عبداللہ رکن ہوں گے، بختیار خواجہ کو بطور آزاد رکن شامل کرلیا گیا۔ بورڈ کے سینئر لیگل کونسل بیرسٹر سلمان نصیر سیکریٹری ہیں، کمیٹی گورننگ بورڈ کیلیے 4آزاد ڈائریکٹرز کے ساتھ الیکشن کمشنر، ڈپٹی الیکشن کمشنر اور ایڈجوڈیکیٹرز کے نام تجویز کرے گی جو بورڈ آف گورنرز کو پیش کیے جائیں گے۔

کمیٹی پی سی بی آئین کے تناظر میں اسٹرکچر ترتیب دینے کیلیے اپنی مہارت، علم ،تجربے کا استعمال کرتے ہوئے خالی آسامیوں کیلیے موزوں افراد کی شناخت، انٹرویوز اور انتخاب کرنے کی ذمہ داری بھی سرانجام دے گی۔