اسلامیہ کالج کے پروفیسر غلام نبی وسان نامعلوم افراد کی فائرنگ سے شدید زخمی

موٹر سائیکل پر سوار 2 نامعلوم افراد نے پروفیسر غلام نبی وسان کی گاڑی پر فائرنگ کر دی جس کے نتیجے میں وہ شدید زخمی ہو گئے۔ فوٹو: فائل

---

اسلامیہ کالج کے پروفیسر غلام نبی وسان نامعلوم افراد کی فائرنگ سے زخمی ہو گئے ہیں۔

پولیس کے مطابق موٹر سائیکل پر سوار 2 نامعلوم افراد نے غلام نبی وسان کی گاڑی پر فائرنگ کر دی جس کے نتیجے میں وہ زخمی ہو گئے، غلام نبی وسان کو سینے میں 2 گولیاں لگیں اور انہیں طبی امداد کے لئے فوری اسپتال منتقل کردیا گیا جہاں ڈاکٹروں کی مطابق ان کی حالت تشویشناک ہے ۔

واضح رہے کہ رواں سال مارچ میں بھی لیاقت آباد کے سابق پرنسپل اور ادیب پروفیسر سبط جعفر کراچی میں نامعلوم افراد کی فائرنگ سے جاں بحق ہو گئے تھے جب کہ جون میں پروفیسر اظفر رضوی کو ان کے ڈرائیور کے ہمراہ گولیاں مار کر قتل کر دیا گیا تھا۔