شہنیرا اکرم سی ویو کراچی پر زہریلے کچرے کی ہولناک تصاویر سامنے لے آئیں

سی ویو پر اسپتال کا زہریلا فضلہ پھینک دیا گیا، شہریوں کی جانوں کو خطرات لاحق فوٹو:فائل

---

لیجنڈری کرکٹر وسیم اکرم کی اہلیہ شہنیرا نے ساحل سمندر پر زہریلے کچرے کی ہولناک تصاویر شیئر کرتے ہوئے کراچی کو بچانے کی اپیل کی ہے۔

آسٹریلوی نژاد شہنیرا اکرم نے بتایا کہ سی ویو پر اسپتال کا طبی فضلہ پھینک دیا گیا ہے جس میں سیکڑوں استعمال شدہ سرنجز، خون کے نمونے اور بوتلیں شامل ہیں۔

یہ خطرناک کچرا ساحل سمندر پر تفریح کے لیے آنے والے شہریوں خصوصا بچوں کے لیے زہر قاتل ثابت ہوسکتا ہے اور اس طبی فضلے کی وجہ سے وہ خطرناک بیماریوں کا بھی شکار ہوسکتے ہیں۔

There is kilometres of medical waste including hundreds of open needle syringes amongst other things, that has come in from the ocean. Clifton beach, at this moment, is extremely dangerous and needs to be shut down #CliftonBeach #MedicalWaste #BeachShutDown #ImSoSorryKarachi pic.twitter.com/VEDZUdauNe

— Shaniera Akram (@iamShaniera) September 3, 2019

شہنیرا اکرم نے اس کچرے کی ویڈیو بھی بناکر سوشل میڈیا پر اپ لوڈ کرتے ہوئے انتظامیہ سے سی ویو بند کرکے ہنگامی بنیادوں پر صفائی کرنے کی اپیل کی۔ انہوں نے کہا کہ کراچی میں گزرے 4 سال میں ساحل کی اس سے بدترین صورتحال کبھی نہیں دیکھی۔