نارووال میں بجری سے بھرا ڈمپر رکشہ پر الٹ گیا 7 بچوں سمیت 8 افراد جاں بحق
ڈمپر ڈرائیور سڑک کی غلط سمت جا رہا تھا اور حادثہ اس کی غفلت کے باعث پیش آیا۔
ڈمپر ڈرائیور سڑک کی غلط سمت جا رہا تھا اور حادثہ اس کی غفلت کے باعث پیش آیا۔ فوٹو:ٹوئٹر
تحصیل ظفروال میں شکرگڑھ روڈ پر خوفناک حادثہ پیش آیا جب بجری سے بھرا ڈمپر رکشہ پر الٹ گیا جس کے نتیجے میں رکشہ ڈرائیور اور 7 بچے جاں بحق ہوگئے۔
رکشے میں مختلف اسکولوں کے بچے سوار تھے جن میں سے 7 جاں بحق ہوگئے اور 6 بچیاں شدید زخمی ہیں۔ زخمیوں کو اسپتال منتقل کیا گیا جہاں ان کی حالت خطرے سے باہر ہے۔
واقعے کی اطلاع ملتے ہی 1122 کے ریسکیو اہلکار اور مقامی پولیس جائے حادثہ پر پہنچی اور ڈمپر کے نیچے دبی لاشوں اور زخمیوں کو باہر نکالا۔
ڈسٹرکٹ ایمرجنسی آفیسر ریسکیو نے 8 ہلاکتوں کی تصدیق کرتے ہوئے بتایا کہ نجی اسپتال میں 4 اور آر ایچ سی میں 4 لاشیں موجود ہیں۔ المناک حادثے پر نارووال شہر اور گردونواح میں سوگ کا سما ہے اور ہر آنکھ اشکبار ہے۔ پولیس کے مطابق ڈمپر ڈرائیور سڑک کی رانگ سائیڈ پر جا رہا تھا اور حادثہ اس کی غفلت کے باعث پیش آیا۔
مقامی افراد کا کہنا ہے کہ پچھلے 10 سال سے ظفروال شکرگڑھ روڈ ٹوٹ پھوٹ کا شکار ہے اور جگہ جگہ گڑھے پڑے ہوئے ہیں جو حادثے کا سبب بنتے رہتے ہیں۔
رکشے میں مختلف اسکولوں کے بچے سوار تھے جن میں سے 7 جاں بحق ہوگئے اور 6 بچیاں شدید زخمی ہیں۔ زخمیوں کو اسپتال منتقل کیا گیا جہاں ان کی حالت خطرے سے باہر ہے۔
واقعے کی اطلاع ملتے ہی 1122 کے ریسکیو اہلکار اور مقامی پولیس جائے حادثہ پر پہنچی اور ڈمپر کے نیچے دبی لاشوں اور زخمیوں کو باہر نکالا۔
ڈسٹرکٹ ایمرجنسی آفیسر ریسکیو نے 8 ہلاکتوں کی تصدیق کرتے ہوئے بتایا کہ نجی اسپتال میں 4 اور آر ایچ سی میں 4 لاشیں موجود ہیں۔ المناک حادثے پر نارووال شہر اور گردونواح میں سوگ کا سما ہے اور ہر آنکھ اشکبار ہے۔ پولیس کے مطابق ڈمپر ڈرائیور سڑک کی رانگ سائیڈ پر جا رہا تھا اور حادثہ اس کی غفلت کے باعث پیش آیا۔
مقامی افراد کا کہنا ہے کہ پچھلے 10 سال سے ظفروال شکرگڑھ روڈ ٹوٹ پھوٹ کا شکار ہے اور جگہ جگہ گڑھے پڑے ہوئے ہیں جو حادثے کا سبب بنتے رہتے ہیں۔