سپریم کورٹ آرمی چیف کی تقرری سے متعلق درخواست پر2اکتوبرسے سماعت کرے گا

چیف جسٹس افتخار محمد چوہدری کی سربراہی میں تین رکنی بینچ 2 اکتوبر سے درخواست پرسماعت کرے گا، فوٹو: فائل

---

سپریم کورٹ آف پاکستان نے آرمی چیف کی تقرری سے متعلق درخواست پر بینچ تشکیل دے دیا۔

ایکسپریس نیوز کے مطابق چیف جسٹس افتخار محمد چوہدری کی سربراہی میں 3 رکنی بینچ 2 اکتوبر سے آرمی چیف کی تقرری سے متعلق درخواست پرسماعت کرے گا، بینچ میں جسٹس جواد ایس خواجہ اور جسٹس گلزار احمد شامل ہیں۔

واضح رہے کہ آرمی چیف کی تقرری سے متعلق درخواست شاہد اورکزئی نے دائر کر رکھی ہے، درخواست میں موقف اختیار کیا گیا ہے کہ وزیراعظم نواز شریف کو سنیارٹی کے اصول پر مسلح افواج کے سربراہ کی تقرری سے روکا جائے، قواعد کے مطابق سینارٹی کی بجائے اہل شخص کو مسلح افواج کا سربراہ مقرر کیا جاتا ہے۔