عالم لوہارایک تھا کوئی دوسرانہیں آئیگا عارف لوہار

میرے پرستار مجھے میرے والدکی مناسبت سے پکارتے ہیں تو اچھا لگتا ہے،عارف لوہار (فوٹو : فائل )

---

گلوکار عارف لوہار نے کہا ہے کہ جب میرے پرستار مجھے میرے والد محترم کی مناسبت سے پکارتے ہیں تو بہت اچھا لگتا ہے ' زندگی میں ہر قدم پھونک پھونک کر رکھتا ہوں کہ کہیں میرے والد کے نام پر کوئی داغ نہ لگ جائے ۔ خصوصی گفتگو کرتے ہوئے عارف لوہار نے کہا کہ عالم لوہار ایک ہی تھا اوراب کوئی دوسرا عالم لوہار نہیں آئیگا ۔

میں اپنے والد کے نقش قدم پر چلنے کی بھرپور کوشش کرتا ہوں لیکن میں ان جیسا نہیں بن سکتا ۔ بھارتی فلموں میں پلے بیک سنگنگ کے حوالے سے عارف لوہار نے کہا کہ میرے لیے یہ خوشی کی بات ہے کہ بھارتی فلموں ''صاحب بیوی اور گینگسٹر'' اور ''کاک ٹیل'' میں میرے گانوں کو بھارتی میوزک انڈسٹری کے ساتھ وہاں کے لوگوں نے بے حد پسند کیا۔